Prezident İrlandiyalı həmkarını təbrik etdi

Azərbaycan prezidenti İlham Əliyev İrlandiya prezidenti Maykl Higginsə təbrik məktubu göndərib.

ANS PRESS-in AzərTAc-a istinadən verdiyi məlumata görə, məktubda qeyd edilir: “İrlandiyanın milli bayramı – Müqəddəs Patrik Günü münasibətilə Sizə və xalqınıza ən səmimi təbriklərimi yetirirəm.

İnanıram ki, Azərbaycan-İrlandiya əlaqələri daha da inkişaf edərək ölkələrimizin və xalqlarımızın mənafelərinə xidmət edəcək.

Sizə möhkəm cansağlığı, işlərinizdə uğurlar, dost İrlandiya xalqına əmin-amanlıq və firavanlıq diləyirəm”.