Prezident İlham Əliyev Rusiya Federasiyasının prezidenti Dmitri Medvedevə başsağlığı verib. «Nazranda törədilmiş və çoxsaylı insan tələfatı ilə nəticələnmiş terror aktı barədə xəbər məni dərindən sarsıtdı. Sizə, həlak olanların doğmalarına və yaxınlarına, bütün Rusiya xalqına Azərbaycan xalqı adından və şəxsən öz adımdan dərin hüznlə başsağlığı verirəm. Xəsarət alanlara tezliklə sağalmağı arzu edirəm»,- deyə başsağlığında bildirilir.