Elmar Məmmədyarov Hillari Klintonla görüşəcək

Xarici işlər naziri Elmar Məmmədyarov Amerika Birləşmiş Ştatlarına işgüzar səfər edəcək. Xarici İşlər Nazirliyinin mətbuat xidmətindən ANS PRESS-ə verilən məlumata görə, Elmar Məmmədyarovun ABŞ-a səfəri 29 may - 3 iyun tarixlərinə nəzərdə tutulub.

Qeyd edək ki, ABŞ-a səfəri çərçivəsində Elmar Məmmədyarovun Nyu-York şəhərində BMT-nin Baş Qərargahında İKT səfirlərinin görüşündə çıxış, BMT-nin Baş katibi Ban Ki-Mun ilə görüş, Ərəb Dövlətləri Liqasının BMT yanında daimi nümayəndələri və Asiya dövlətlərinin BMT yanında daimi nümayəndələri, Vaşinqton şəhərində isə ABŞ-ın Dövlət katibi Hillari Klinton, Brukinqs İnstitutunun ABŞ və Avropa Mərkəzinin direktoru xanım Fiona Hill ilə görüşləri nəzərdə tutulub. ANSPRESS