Azərbaycanı heç vaxt tək buraxmamışıq

“AKP-nin Azərbaycana baxışı bəllidir. Türkiyədəki bəzi qüvvələrin bu məsələdən siyasi məqsədlə istifadə etmələri çirkindir”. APA-nın xəbərinə görə, bu sözləri Türkiyənin baş naziri Rəcəb Tayyib Ərdoğan Ədalət və İnkişaf Partiyasının (AKP) parlament qrupunun toplantısında çıxışında deyib.

21 Aprel 2009, 14:45 · Xəbərçi

O, Azərbaycanı heç vaxt tək buraxmadıqlarını, bütün beynəlxalq toplantılarda Azərbaycanın mövqeyini müdafiə etdiklərini, hətta Azərbaycan üçün başqaları ilə dalaşdıqlarını bildirib: “Azərbaycanla Ermənistan və Türkiyə ilə Ermənistan arasındakı normallaşma çalışmaları paralel gedir. Bunun xaricindəki iddialar bizə hörmətsizlikdir. Halbuki bu, milli məsələdir və mövqeyimiz bir olmalıdır. Azərbaycandan bura gələn bəzi insanlar da bu yanlışlığa yol verib”.

R. T. Ərdoğan bölgədə sülh və əmin-amanlığa nail olmaq üçün əllərindən gələni edəcəklərinin vurğulayıb.

APA