“Nida” Vətəndaş Hərəkatının İdarə Heyətinin iki üzvü həbs edilib. Üzeyir Məmmədli və Rəşadət Axundov Nəsimi Rayon Məhkəməsinin qərarı ilə 3 ay müddətinə həbs edilib.

APA-nın məlumatına görə, onlara qarşı Cinayət Məcəlləsinin qanunsuz olaraq partlayıcı maddələr və qurğular əldə etmə, hazırlama, daşıma və gəzdirmə maddəsi ilə ittiham irəli sürülüb.

Xatırladaq ki, bundan əvvəl “Nida”-nın bir neçə həbs olunan üzvünün evindən yandırıcı maddə ilə dolu şüşə qablar – “Molotov kokteyl”ləri tapılmışdı.