Azərbaycan istiqlalının banisi Məmməd Əmin Rəsulzadənin Gəncədəki son büstü də götürülə bilər. Bu barədə musavat.com-a Gəncə sakini, Müsavat Partiyasının Məclis üzvü Cahangir Əmirxanlı məlumat verib. Redaksiyamıza göndərdiyi müvafiq fotoya izahat verən C. Əmirxanlı deyib:

“Bu şəkil Gəncədə, Dəmiryolçular parkında çəkilib. Ağ - qara parça ilə bükülmüş büst M.Ə. Rəsulzadənin Gəncədəki yeganə büstüdür! Arxada görünən tikinti isə o büstün 5-7 metrliyində tikilmiş restorandır. Hər şeydən görünən budur ki, bu restoranı orada tikməklə böyük öndərin büstünü ləğv etmek istəyirlər”. C. Əmirxanlı deyir ki, hətta M.Ə. Rəsulzadənin doğum günündə həmin ərazini bağlayıb , büstün üstünə əklil qoyulmasına polis gücünə imkan verməmişdilər.