İki yeni balıq növü aşkar edildi

Azərbaycan faunası üçün yeni olan iki növ balıq aşkar edilib.

ANS PRESS-in Azərbaycan Milli Elmlər Akademiyasının (AMEA) mətbuat xidmətinə istinadən verdiyi məlumata görə, yeni balıq növləri AMEA Zoologiya İnstitutunun İxtiologiya laboratoriyasının böyük elmi işçisi Namiq Mustafayevin 2008-2012-ci illərdə daxili su hövzələrində apardığı araşdırmalar nəticəsində aşkar olunub.

Bu balıqlar çəkikimilər (Cyprinidae) fəsiləsinə aid Amur enlibaşı (Pseudorasbora parva) və kilqarındır (Hemiculter leucisculus).