Bakının Dağüstü park ərazisində təmir işləri davam edir. Bu barədə Day.Az saytına Bakı şəhəri, Səbail Rayon İcra Hakimiyyətinin ictimai-siyasi təşkilatlarla iş şöbəsinin müdiri İsrafil Kərimov bildirib.

Onun sözlərinə görə, parkda əsaslı təmir işləri ən yüksək səviyyədə həyata keçirilir. "İşlər müasir tələblərə uyğun olaraq həyata keçirilir. Parkın ərazisində Müstəqillik Muzeyi tikiləcək. Bundan başqa, Səbail rayonu Veteranlar Birliyinin və "20 Yanvar" cəmiyyətinin köhnə binalarının sökülməsi və bu təşkilatlar üçün yeni binaların tikintisi nəzərdə tutulub. Əsaslı təmirdən sonra park yeni görkəm alacaq".