Dekabrın 25-26-da Bakının Xətai, Nizami, Sabunçu və Suraxanı rayonlarının bəzi hissələrində içməli su müəyyən fasilələrlə veriləcək.

"Azərsu" ASC-nin mətbuat xidmətindən ANS PRESS-ə verilən məlumata görə, fasilələr Bakı şəhəri Xətai, Nizami, Sabunçu və Suraxanı rayonlarının bir hissəsində 24 saat fasiləsiz içməli su təchizatını təmin etmək məqsədi ilə "+110 Şərq" su anbarında 1400 mm diametrli kollektorun paylayıcı şəbəkəyə qoşulması işləri ilə əlaqədardır.

Yaranmış narahatlıqla əlaqədar "Azərsu" ASC abunəçilərdən üzr istəyir.