Bakıda yol çöküb. ANS PRESS-in məlumatına görə, hadisə Həsən Əliyev (keçmiş İnqilab) və Ceyhun Hacıbəyli küçələrinin kəsişməsindən keçən yeni istifadəyə verilmiş avtomobil yolunda baş verib. Həmin ərazidən keçən sərnişin avtobuslarından biri isə batıb. Hadisə ərazidə gediş-gəlişi məhdudlaşdırıb.

Vəziyyət o qədər təhlükəli olub ki, yaxınlıqdakı dövlət yol polisinin patrulları yolu bağlayıblar, sərnişinlərin avtobusu tez və təhlükəsiz tərk etmələrinə şərait yaradıblar.

Qeyd edək ki, qəza baş verən ərazidə 2012-ci ilin son günlərində istifadəyə verilən tunel də yerləşir.




Fotolar Musavat.com