Sabah Milli parkda konsert və atəşfəşanlıq olacaq. Bu barədə məlumatı ANS PRESS-ə Milli Bulvar İdarəsinin rəis müavini Nazim Məcidov verib. Onun sözlərinə görə, tədbir Respublika Gününün 95 illiyinə həsr olunub. Bakı şəhər İcra hakimiyyətinin təşkil etdiyi konsert saat 21:00-da başlayacaq.

İncəsənət ustalarının iştirakı ilə konsert Saat qülləsinin yanında olacaq. Artıq adıçəkilən ərazidə səhnə qurulub.