Martın 11-13-də İrəvanda NATO-nun regional əməkdaşlıq üzrə konfransı keçiriləcək. Məşhur politoloq Vəfa Quluzadə də tədbirə dəvət edilib, lakin o, Ermənistana getməkdən imtina edib.

“Bu günlərdə NATO-nun Brüsseldəki qərargahından mənə zəng edib İrəvanda keçiriləcək konfransa dəvət etdilər. Lakin mən Qarabağ münaqişəsi başa çatmadan bu ölkəyə getməyi mümkünsüz sayıram”, deyə Quluzadə Turana bildirib.

Politoloq qeyd edib ki, Rumıniyanın Azərbaycandakı səfirinə (NATO-nun əlaqələndiricisi) və Azərbaycanın Brüsseldəki nümayəndəsinə İrəvana səfərinin mümkünsüz olduğu barədə məlumat verib. ANSPRESS