Seçkini işıqlandıran jurnalistlər tərəfindən Mətbuat Şurasının “qaynar xətt”inə hələlik hər hansı məlumat daxil olmayıb. Bu barədə ANS PRESS-ə Mətbuat Şurasından məlumat verilib. Məlumata görə, şuranın monitorinq qrupunun paytaxt və bölgələrdəki seçki məntəqələrində olan üzvləri də jurnalistlərə qarşı maneə faktlarını qeydə almayıb.

Şuranın (012) 441 35 30; (012) 441 35 92; (012) 441 35 94 telefon nömrələri bu gün saat 08.00-dan “qaynar xətt” rejimində işləyir. Jurnalistlərin seçki günü peşə fəaliyyətlərini yerinə yetirmələrində yarana biləcək mümkün problemlərin operativ aradan qaldırılmasını təmin etmək məqsədilə yaradılan “qaynar xətt”in növbəti məlumatı saat 17.00-da yayımlanacaq.

Qeyd edək ki, Azərbaycan Mətbuat Şurasının İdarə Heyətinin üzvləri də seçkinin gedişini izləyir. Onlar yerlərdə KİV təmsilçilərinə yaradılan şəraitlə yaxından tanış olur. ANSPRESS