İsrailin Azərbaycandakı səfiri Naxçıvanda səfərdədir

İsrailin Azərbaycandakı səfirliyindən APA-ya verilən məlumata görə, bu gün səfir Heydər Əliyev muzeyində olub, onun abidəsi önünə gül dəstəsi qoyub.
Səfir Naxçıvan MR Ali Məclisinin sədri Vasif Talıbov, MR-in iqtisadi inkişaf naziri, baş nazirinin müavini və kənd təsərrüfatı naziri ilə görüşlər keçiriləcək. Görüşlərdən sonra Naxçıvan şəhərinin bir sıra mədəniyyət müəssisələri ilə tanışlıq olacaq.
Oktyabrın 21-də səfirin Naxçıvan Dövlət Universiteti ilə tanışlığı və tələblər qarşısında çıxışı nəzərdə tutulur. Daha sonra Naxçıvan şəhərinin qədim tarixi abidələri və görməli yerləri ilə tanışlıq olacaq.
Bundan əlavə, Naxçıvan MR-in kənd təsərrüfatı məhsulları üzrə istehsal müəssisələri və sənaye-istehsal müəssisələrindən bir neçəsinə baxış keçirilməsi və görüşlər nəzərdə tutulur. Səfir Duzdağ Fizioterapiya Mərkəzinə də baş çəkəcək. APA