Abdulla Gül İlham Əliyevi təbrik edib
24 Dekabr 2009 Cümə Axşamı 19:40
Türkiyə prezidenti Abdulla Gül azərbaycanlı həmkarı İlham Əliyev ilə telefonla danışıb
Bu gün Türkiyə prezidenti Abdulla Gül Azərbaycan dövlət başçısı İlham Əliyevə telefonla zəng edib. A.Gül prezident İlham Əliyevi ad günü münasibətilə təbrik edib, ona Azərbaycan xalqının rifahı naminə fəaliyyətində uğurlar, möhkəm cansağlığı arzulayıb.

Telefon söhbəti zamanı ölkələrimiz arasında dostluq münasibətlərinin uğurlu inkişafından məmnunluq ifadə olunub, dövlət başçıları əlaqələrimizin bundan sonra da inkişaf edəcəyinə əminliklərini bildirib.

Azərbaycan və Türkiyə prezidentləri ikitərəfli münasibətlər, Ermənistan-Azərbaycan, Dağlıq Qarabağ münaqişəsinin həlli ilə bağlı son proseslər ətrafında da fikir mübadiləsi aparıb. ANSPRESS


DOSTLARINLA PAYLAŞ:

oyunlar