Kənd Təsərrüfatı Naziri İsmət Abbasov bal yarmarkasına baş çəkib. ANS PRESS-in məlumatına görə, arıçılarla görüşən nazir məhsullarla tanış olub. Yarmarkadakı qiymətlərlə də maraqlanan İsmət Abbasov sahibkarlardan bal da alıb.

Qeyd edək ki, bu gündən işə başlayan 14-cü respublika sərgi-satış yarmarkası Dəniz Vağzalının salonunda keçirilib.

Yarmarkada 49 rayondan 200 nəfər arıçının təxminən 300 ton bal, 40 kq vərəmum, 1 kq arı südü, 25 kq çiçək tozu satışa çıxaracağı gözlənilir. Yarmarkada balın kq-ı isə 15 manata satılacaq.

Arıçılıq yarmarkası oktyabrın 5-dək davam edəcək.