Dünən “The Public” klubunda ANS Şirkətlər Qrupuna daxil olan VMF Şirkəti və ANS ÇM radiosunun təşkilatçılığı ilə Dj-lərin festivalı keçirilib. ANS PRESS-in məlumatına görə, festival xüsusi günə - 29 avqust - Milli qəhrəman Çingiz Mustafayevin doğum gününə həsr olunaraq artıq ənənəvi hal alıb.

Çingiz kimi insanlar “hərtərəfli dahi” adlandırırlar. Həqiqətən də bu şəxsin qabiliyyət və maraqları çoxşaxəli idi. Azərbaycanda məktəblidən tutmuş ağsaqqala kimi hamı Çingizi cəbhə jurnalisti, həqiqi vətənpərvər kimi tanıyır. Hamı Çingizi - Həqiqət, Vicdan, Şərəf və Azadlıq carçısı kimi tanıyıb və qəbul edib. Bu gün də Çingiz Mustafayev - Milli jurnalistikamızın simvoludur.

İxtisasca həkim olan, lakin jurnalist kimi fəaliyyət göstərən Çingiz həm də incəsənətin, musiqinin pərəstişkarı idi. Məhz Çingiz Bakıdakı ilk musiqi mərkəzi olan “Disko”-nu, “Ozan” folklor qrupundan yaratmış, “Ekspromt” gənclər studiyasında iştirak edib. Məhz haqlı olaraq onun Azərbaycanın ilk Dj-i adlandırmaq olar.

Gecənin aparıcısı ANS ÇM-in məşhur Dj-i Valid Əliyev oldu. Bakının və ən sevilən 12 Dj-i öz peşəkarlığın nümayiş etdirərkən bir-birini əvəz edib. Videoqraf Cavid Quliyev qonaqlara öz performansını göstərib.

Həmin gecə “The Public” klubunun zalı dünyaca məşhur yapon brendi “Casio"nun "G-Shock” kolleksiyası stilində dizayn edilib. Tədbirdə iştirak edən bütün Dj-lərə “G-Shock” saatları hədiyyə olunub. Brendin Azərbaycandakı rəsmi təmsilçisi VMF Şirkətidir.

Dəvətnamələrin xoşbəxt sahibləri VMF salonlarının alıcıları, massa-media nümayəndələri, həmçinin tele və radio dinləyicilər oldular.