Bakı-Quba yolu dağılıb

Bir neçə il öncə istifadəyə verilən Bakı-Sumqayıt-Quba yolunun bəzi yerləri yenidən qurulur. Müsavat.com-un məlumatına görə, 30-ildən artıq istismar müddəti olan yolun bir necə hissəsi tamamilə dağılıb. Ən böyük dağıntı isə yolun Qubadan Bakıya doğru olan hissəsindədir.

Artıq bir neçə həftədir, magistral yolun dağılan hissəsində təmir-tikinti işləri aparılır. Magistral yol boyunca ağır texnika və fəhlələrdən ibarət işçi qrupuna rast gəlmək olur.

Artıq Siyəzən, Şabran və Xızı rayonu ərazisində yolun yenidən təmiri tamamlanıb. Təmir-tikinti işləri Nəqliyyat Nazirliyinə məxsus “Azeryolsevis” ASC tərəfindən aparılır.
Qeyd edək ki, bu yola təqribən 600 milyon dollar vəsait xərclənib.