Hüseyn Cavidin ev-muzeyi zənginləşdirilib. Muzeyin direktoru Bəhruz Axundovun AzərTAc-a verdiyi məlumata görə, muzeyin ekspozisiyası yeni eksponatlar hesabına zənginləşdirilib. Belə ki, Naxçıvan Özəl Universitetinin rektoru, professor İsmayıl Əliyev vaxtilə mərhum sənətkarımız Mircəlil Seyidov tərəfindən ona hədiyyə olunmuş “Şairin yuxusu” adlı rəsm əsərini muzeyə bağışlayıb. Bundan başqa, Azərbaycanın əməkdar rəssamı Ülviyyə Həmzəyeva da dahi qələm ustasının sürgün illərini əks etdirən ”Hüseyn Cavid” əsərini muzeyə hədiyyə edib. Hər iki əsər muzeyin “Hüsen Cavid repressiya illərində” bölməsində yer alıb.