Dünya şöhrətli yazıçı Çingiz Abdullayevin yeni kitabı işıq üzü görüb. Dedektiv janr ustası yeni nəşri oxuculara özü təqdim edib. təqdimat tədbiri çərçivəsində paytaxtın kitab mağazalarından birində xalq yazıçısı ilə imza günü də keçirilib. Çingiz Abdullayevin “Qələbə Naminə” mənasını verən “Altar Pobedı” kitabı geniş oxucu kütləsinin ixtiyarına verilib.

Çingiz Abdullayevin digər əsərləri kimi “Altar Pobedı” kitabı da dedektiv janrdadır. Ədəbi nümunə Əfqanıstanda terrorçu qruplaşmaya qarşı mübarizə aparan azərbaycanlı kəşfiyyatçıdan bəhs edir. Kitab geniş oxucu kütləsi üçün nəzərdə tutulub.

Qeyd edək ki, Çingiz Abdullayev dünyanın bir çox ölkəsində tanınır və oxunur. Xalq yazıçısı Rusiyanın Milli hüquq akademiyasının fəxri doktorudur. Onun kitabları 20-yə yaxın dilə tərcümə edilib və 20 milyon nüsxə ilə MDB, eləcə də Baltikyanı ölkələrdə, Amerika, Fransa, İsveç, Norveç, Bolqarıstan, İsrail, İspaniya, Türkiyə, İtaliya və Rumıniyada çap edilib.