Azərbaycanın xalq artisti Bilal Əliyev 50 yaşını geridə qoyub. ANS PRESS-ə açıqlama verən müğənni yaşadığı illərə görə təəssüflənmədiyini bildirib. “Bir çox insanlar mənim yaşımı dəqiq bilmir. Gördüyünüz kimi çox cavan qalmışam, çünki hər zaman haqq-ədaləti, düzgünlüyü sevmişəm. Qəlbim təmiz olub, heç kimə pislik və paxıllıq etməmişəm. Qəlbiqara insanları başa düşə bilmirəm. Yalnız onu deyə bilərəm ki, belə insanlar tez coşur və əsəbləşir. Şou-biznesdə olan hər kəsə əsəbləşməməyi məsləhət görürəm. Bu yaşa kimi çox əziyyətlər çəkmişəm. Hər bir uğuru öz zəhmətim hesabına qazanmışam. Bu həyatda sənət aləmində yaxşı izlər qoymaq üçün yaşayıram”,- deyə o əlavə edib.

Söhbət əsnasında müğənni ad günündə ilk hədiyyəni həmişə həyat yoldaşından aldığını bildirib. Müğənni onu da qeyd edib ki, sənət fəaliyyəti ilə bağlı Yeni ili Bakıda qarşılaya bilməyəcək. ANSPRESS