1 aprel dünyanın bir sıra ölkələrində adətən əyləncə və aldatmaq günü kimi qeyd olunur. “Gülüş günü” yaxud “Axmaq günü” kimi adlandırılan bu bayram çox insanlar tərəfindən keçirilsə də təqvimdə göstərilən bayramlar sırasına əlavə edilməyib. 1 aprelin gülüş günü kimi qeyd olunma tarixçəsi haqqında bir sıra fərziyyələr mövcuddur. İlk olaraq 1 aprel müxtəlif ölkələr tərəfindən yazın günəşi mənasını ifadə edib və bununla əlaqədar keçirilib. Bayramın atributlarından olan zarafatlar, əyləncələr və hazırlıqlar burada əvəzedilməz rol oynayıb. Azərbaycanda bu günlə bağlı hansısa tədbirlər, aksiyalar təşkil olunmur, amma bu gün bir-birini aldadıb gülən insanlara da az rast gəlinmir. Xüsusilə telekanallarda tamaşaçılar üçün tədqim olunan gülüşü isə bəzi ekspertlər bayağı adlandırırlar. ANSPRESS