“Ali məktəblərə qəbul imtahanları zamanı açıq test tapşırıqlarının sayı artırılarsa, ümumi test suallarının sayında dəyişiklik edilə bilər”.
Lent.az-ın məlumatına görə, bunu Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib. M.Abbaszadə deyib ki, açıq test tapşırıqlarının həlli daha çox vaxt aparır və bu ümumi sualların sayında dəyişiklik edilməsini labüd edir. O qeyd edib ki, növbəti tədris ilində qəbul imtahanlarında ediləcək dəyişikliklərlə bağlı oktyabr ayında məlumat veriləcək.