“Bəzi universitetlərdə təəssüflər olsun ki, tələbə təşkilatlarına lazımi qiymət verilmir.

Bəzi universitetlərdə tələbə-gənclər təşkilatlarına münasibət rektorat və ali təhsil ocağının rəhbərliyi tərəfindən nə infrastruktur baxımından, nə də şərait yaratmaq baxımından lazımi səviyyədə deyil. Bunu açıq bəyan etmək lazımdır”.

APA-nın məlumatına görə, bunu Prezident Administrasiyasının Siyasi təhlil və informasiya təminatı şöbəsinin müdiri Elnur Aslanov deyib. O qeyd edib ki, hər bir universitetdə tələbə təşkilatı üçün xüsusi şərait yaradılmalıdır: “Tələbə təşkilatları öz hüquqlarından istifadə edərək, daha səmərəli, daha güclü təşkilata çevrilməyə çalışmalıdır”.