Azərbaycanda ilk dəfə olaraq gələn il müəllimlərin işə qəbulu ilə bağlı imtahan regionlarda da keçiriləcək. Trend-in məlumatına görə, bu barədə jurnalistlərə təhsil naziri Misir Mərdanov bildirib. Nazirin sözlərinə görə, imtahanlar Gəncə, Lənkəran, Quba və ya Xaçmaz, Şəki və digər mərkəzi, əhalisinin sayı çox olan yerlərdə keçiriləcək.

Misir Mərdanov deyib ki, müəllimlərin işə qəbulu ilə bağlı növbəti imtahanların yanvarda təşkil edilməsi nəzərdə tutulub, bu məqsədlə vakant yerlərin sayının dəqiqləşdirilməsi üçün yerlərə müraciət edilib.

İndiyədək müəllimlərin işə qəbulu ilə bağlı imtahanlar iyul-avqust aylarında keçirilib.