Gəncədə 9 orta məktəb yeni laboratoriya ilə təchiz olunacaq. Təhsil Nazirliyinin vəsaiti hesabına gətirilən fizika və kimya laboratoriyalarının hələlik hansı məktəblərdə quraşdırılacağı dəqiq məlum deyil.

Bu barədə məlumatı Gəncə şəhər Təhsil İdarəsinin rəis müavini İsmayıl İsmayılov verib. ANS PRESS-in "ganca.az"a istinadən verdiyi xəbərə görə, müasir standartlara uyğun olan yeni laboratoriya avadanlıqlarının Gəncənin ən böyük məktəblərində quraşdırılması nəzərdə tutulub.

İ.İsmayılov seçilmiş 9 məktəblərin hər birində quraşdırılacaq kimya və fizika laboratoriyaları şagirdlərin bu fənləri daha dərindən öyrənmələri üçün mühüm əhəmiyyət kəsb etdiyini vurğulayıb.

Qeyd edək ki, Gəncə şəhərində 44 orta, 1 əsas, 1 yardımçı, 1 internat məktəbləri və 2 giminaziya fəaliyyət göstərir. /ANS PRESS/