Tələbə Qəbulu üzrə Dövlət Komissiyası bu gün Bakı şəhərində 2011/2012-ci tədris ili üçün ali təhsil müəssisələrinə qəbul imtahanlarının elmi-statistik təhlilinə həsr olunmuş zona müşavirəsi keçirib. Tədbirdə TQDK sədri Məleykə Abbaszadə 2010/2011-ci tədris ili üçün keçirilmiş qəbul imtahanlarının elmi-statistik təhlilinə dair ətraflı məruzə ilə çıxış edib.

Müşavirədə Bakı şəhərinin 2010-cu il məzunlarının qəbul imtahanlarındakı nəticələrinə dair qısa statistik məlumat verilib.

Ötən il Bakıda orta ümumtəhsil məktəblərini 22449 şagird bitirib və attestat alanladan 18832 nəfəri qəbul imtahanlarında iştirak edib. Qəbul imtahanlarının nəticələrinə əsasən şəhərin 8475 məzunu (imtahanlarda iştirak edənlərin 45.00 faizi) tələbə adını qazanıb. Şəhərin məzunlarının 2060 nəfəri 500-dən, o cümlədən 550 nəfəri 600-dən yuxarı bal toplayıb. Abituriyentlərin ən çoxu Azərbaycan Dövlət İqtisad Universiteti və Bakı Dövlət Universitetinə qəbul olub.

Bakı şəhərinin abituriyentlərinin göstəriciləri bal intervalları üzrə aşağıdakı kimi paylanıb:
Şəhərin abituriyentlərinin yalnız 38.94 faizi 300-dən yuxarı bal toplayıb.

Qəbul imtahanlarında paytaxtın 316 məktəbinin məzunları iştirak edib. Bu məktəblərdən 87 saylı (lal-karlar axşam qiyabi), 159 saylı orta məktəbin nəzdindəki qiyabi-axşam məktəbinin, 185, 209, 262, 295, 324 saylı orta məktəblərin bir abituriyenti belə ali təhsil muəssisəsinə qəbul olmayıb. 197 saylı orta məktəbin abituriyentlərinin topladığı orta bal 100-dən aşağıdır.

Respublika üzrə yaxşı məktəblər sırasına bu il şəhərin 72 saylı məktəb-liseyi, 287 saylı “Zəkalar” liseyi, 147 saylı texniki-humanitar təmayullu liseyi, Texniki humanitar liseyi, 160 saylı klassik gimnaziyası, 291 saylı “Araz” ekologiya liseyi, Beynəlxalq təhsil kompleksi, 261 saylı məktəb-liseyi, 2 saylı orta texniki və humanitar elmlər liseyi, 83 saylı məktəb-liseyi, 16 saylı texniki humanitar liseyi, 264 saylı məktəb-liseyi, Bağca-məktəb-lisey kompleksi, 1, 22, 23, 25, 30, 34, 35, 48, 54, 70, 82, 95, 102, 138, 143,145, 151, 157, 191, 207, 210, 214, 220, 236, 240, 244, 245, 246,251, 258, 267, 269, 275, 304 və 319 saylı orta məktəbləri daxil olub

Zona müşavirəsində Təhsil Naziri Misir Mərdanov, Bakı şəhəri üzrə Təhsil İdarəsinin müdiri Nailə Rzaquliyeva, eləcə də Binəqədi, Əzizbəyov, Nərimanov, Nəsimi, Nizami, Qaradağ, Sabunçu, Səbail, Suraxanı, Xətai, Yasamal, Şuşa, Zəngilan, Xocalı və Xocavənd rayonlarının orta ümumtəhsil məktəblərinin direktorları və müəllimlərinin iştirak ediblər.