Tələbə Qəbulu üzrə Dövlət Komissiyasının (TQDK) mətbuat xidmətindən APA-ya verilən xəbərə görə, imtahanın nəticələri komissiyanın internet saytında yerləşdirilib.

Namizədlərdən ümumilikdə 835 nəfəri ixtisas seçimində iştirak etmək hüququ qazanıb.

Qaydalara əsasən, namizədlərin birinci mərhələdə baza fənləri üzrə bilikləri, ikinci mərhələdə isə ixtisas fənləri üzrə bilikləri yoxlanılıb.

İxtisasların seçimində iştirak etmək üçün qoyulan minimal tələblər (müsabiqə şərtləri) Müzlicə işi, pediatriya istiqamətinə aid olan ixtisaslar üçün baza fənləri üzrə 40 bal, ixtisas fənləri üzrə 50 bal; Stomatologiya istiqamətinə aid olan ixtisaslar üçün - baza fənləri üzrə 40 bal, ixtisas fənləri üzrə 50 bal; Tibbi biologiya istiqamətinə aid olan ixtisaslar üçün - baza fənləri üzrə 30 bal, ixtisas fənləri üzrə 40 bal; Tibbi profilaktika istiqamətinə aid olan ixtisaslar üçün - baza fənləri üzrə 30 bal, ixtisas fənləri üzrə 40 bal müəyyən edilib.
İxtisas seçimi internet vasitəsilə sentyabrın 11-i saat 9:00-dan sentyabrın 14-ü saat 9:00-dək aparılacaq.

İmtahanın nəticələri ilə bağlı müraciətlərə TQDK tərəfindən yaradılan apelyasiya komissiyasında sentyabrın 10-dan 12-dək baxılacaq.

Müsabiqə şərtini müəyyən namizədlərlə Səhiyyə Nazirliyi sistemi üzrə təhsil, elm müəssisələri və klinikaların nümayəndələri ilə görüş haqqında əlavə məlumat sentyabrın 10-da veriləcək.