Tələbə Qəbulu üzrə Dövlət Komissiyasının (TQDK) mətbuat xidmətinin rəhbəri Elnur Nağızadənin APA-ya verdiyi məlumata görə, abituriyentlərdən 32 561 nəfəri ixtisas seçimini edib.
Həmin abituriyentlərdən 28 312 nəfəri Azərbaycan, 4249 nəfəri isə rus bölməsi üzrədir. I qrup üzrə 9517, II qrup üzrə 9453, III qrup üzrə 9364, IV qrup üzrə isə 4227 abituriyent ixtisas seçib.

Qeyd edək ki, I ixtisas qrupu üzrə 9818, II qrupda 9645, III qrupda 9720, IV qrupda 4988 nəfərin, ümumilikdə 34171 abituriyentin müsabiqədə iştirak hüququ var idi. Ali təhsil müəssisələrinə yerləşdirmənin nəticələrinin avqustun 4-də elan olunması nəzərdə tutulur.