9 və 11-ci sinifdə oxuyanların nəzərinə!

Son günlər bəzi kütləvi informasiya vasitələri tərəfindən buraxılış imtahanı keçiriləcək fənnlərin sayının artırılacağı ilə bağlı yanlış məlumatlar yayılıb. Tələbə Qəbulu üzrə Dövlət Komissyası bu barədə informasiyalara aydınlıq gətirib. TQDK-dan verilən məlumata görə, Nazirlər Kabinetinin 2009-cu il 13 yanvar tarixli 9 nömrəli qərarı (Azərbaycan Respublikasının Qanunvericilik Toplusu, 2009, № 1, maddə 30) ilə təsdiq edilmiş "Azərbaycan Respublikasının ümumtəhsil sistemində qiymətləndirmə Konsepsiyası"nın 2.3-cü bəndində edilmiş dəyişiklikləri bəzi informasiya agentlikləri düzgün şərh etməyiblər.
Odur ki, bu məlumatların heç bir əsası yoxdur.