Azərbaycanda 2011-2012-ci tədris ili üçün ali məktəblərə keçirilən qəbul imtahanlarının nəticəsinə əsasən müsabiqə şərtlərini ödəyən abituriyentlərin ixtisas seçimi bu gün başa çatır. Lakin ali məktəblərə qəbul imtahanlarını uğurla vermiş abituriyentlərdən təxminən 2000 nəfəri hələ də ixtisas seçimini etməyib. Bu barədə ANS PRESS-ə Tələbə Qəbulu üzrə Dövlət Komissiyasının mətbuat xidmətinin rəhbəri Elnur Nağızadə məlumat verib.

Bu il keçirilən qəbul imtahanlarının nəticələrinə əsasən, 32281 abituriyent müsabiqəyə buraxılıb. Onlardan 8981-i III, 9513-ü I, 4144-ü IV, 9643-ü isə II ixtisas qrup üzrə imtahanlarda iştirak edərək müsabiqədə iştirak hüququ qazanıb.

Bu arada məlumat üçün bildirək ki, ali təhsil təhsil müəssisələrinin magistraturalarının boş qalan plan yerlərinə qəbul aparılır. TQDK-nın mətbuat xidmətinin rəhbəri Elnur Nağızadə ANS PRESS-ə bildirib ki, bununla bağlı magistr juranlının 6-cı nömrəsində ətraflı məlumat dərc olunub.

Onun sözlərinə görə, bu yerlərlə hazırda müsabiqə şərtlərini ödəyən bakalavrların ixtisas seçimi gedir. Bu proses ayın 8-ə kimi davam edəcək. Bundan sonra yerləşdirmələr olacaq və nəticələr elan ediləcək. ANSPRESS