Xaçmaz rayonunun Müqtədir qəsəbəsi ərazisindən 4 nəfər mühərrikli qayıqla balıq tutmaq üçün Xəzər dənizinə çıxıblar və geri qayıtmayıblar. ANS PRESS-in Fövqəladə Hallar Nazirliyinə istinadən verdiyi xəbərə görə, məsələ ilə bağlı FHN-ə müraciət daxil olub. Qurumun Dövlət Sularda Xilasetmə Xidmətinin dalğıc-xilasediciləri hadisə yerinə cəlb edilib və 1981-ci il təvəllüdlü Əkbərov Vüsal Fəxrəddin oğlu, 1991-ci il təvəllüdlü Əkbərov Əkbər Fəxrəddin oğlu, 1987-ci il təvəllüdlü İlyasov Seymur Arif oğlu və 1982-ci il təvəllüdlü Səlimov Rəsul Zakir oğlunun axtarışına başlayıblar.

Gecə saatlarında 1981-ci il təvəllüdlü Əkbərov Vüsal Fəxrəddin oğlunun cəsədi və balıqçıların dənizə çıxdıqları qayığı ləpə sahilə çıxarıb. Hal-hazırda digər 3 balıqçının axtarışları davam etdirilir. Axtarışa Fövqəladə Hallar Nazirliyinin 1 ədəd helikopteri də cəlb edilib.