Ukraynanın Xarkov şəhərində azərbaycanlılar döyülüb. ANS PRESS-in "Seqondya"ya istinadən verdiyi məlumata görə, hadisə oktyabrın 19-da Xarkovun mərkəzindəki Petrovski küçəsində yerləşən "Laquna" kafe-barı yaxınlığında baş verib.

Hadisə şayidlərinin sözlərinə görə, onlar gecə saat 3 radələrində 3 nəfər yerli sakinin 5 azərbaycanlını döydüyünü görüblər.

İndi yerli sakinlər "Xarkovsayağı Biryulevo" iğtişaşlarının baş verəcəyindən ehtiyatlanırlar. "Dostluq" Azərbaycan-Ukrayna icması isə hadisələrin bu cür inkişafını istisna edir. İcma sədri Murad Ömərov Xarkovda azərbaycanlılarla yerli sakinlər arasında heç bir problemin olmadığını bildirib.