Noyabrın 8-də Xaçmaz polis şöbəsinin Yalama bölməsinin əməkdaşları səhər saatlarında köhnə şəhər avtovağzalı yaxınlığında ictimai qaydaları pozduğuna görə, sərxoş vəziyyətdə olan Osman Əziz oğlu Novruzovu bölməyə gətirib. 1959-cu il təvəllüdlü Ortaoba kənd sakininin üzərinə baxış keçirilən zaman köynəyinin üst cibindən 10,75 qram qurudulmuş marixuana aşkar edilərək götürülüb.

Faktla bağlı Cinayət Məcəlləsinin 234.1 maddəsi ilə (Qanunsuz olaraq narkotik maddə saxlama) cinayət işi açılıb.

Qeyd edək ki, Osman Əziz oğlu Novruzov əvvəllər məhkum edilib. ANSPRESS