Sumqayıtda yaşayış binasında baş verən yanğın söndürülüb. ANS PRESS-in Fövqəladə Hallar Nazirliyinin mətbuat xidmətinə istinadən verdiyi məlumata görə, yanğın saat 22:17 radələrində yanğınsöndürənlər tərəfindən söndürülüb.

Yanğın zamanı beşmərtəbəli yaşayış binasının xarici divarlarına vurulmuş plastik materiallardan ibarət üzlük 100 kv.m sahədə və dam örtüyünün yanar konstruksiyaları 1000 kv.m (ümumi 1100 kv.m) sahədə yanıb.

Yanğın zamanı 250 nəfər bina sakini yanğınsöndürənlər tərəfindən təxliyyə edilib. Mənzillər yanğından mühafizə olunub.