Sumqayıtda qumarxana aşkarlandı

Baş Müteşekkil Cinayetkarlıqla Mübarize İdaresi Sumqayıtda xüsusi emeliyyat keçirib. ANS PRESS-in APA-ya istinadla xeber verir ki, emeliyyat neticesinde Sumqayıt şeher sakini Cavad Ağayevin tamah meqsedile Sumqayıt şeheri 4-cü mehelle Nizami küçesi ev 28/17-de qumarxana teşkil etmesi ve Kimyaçılar qesebe sakinleri, tanışları Ziyad Şirinov ve Sirac İsmayılov ile qabaqcadan elbir olub bir qrup şexs halında hemin ünvanda yaddaşında müxtelif qumar oyunlarının yüklendiyi 7 eded noutbuk tipli kompüter yerleşdirmeleri müeyyen edilib.

Heyata keçirilmiş emeliyyat-axtarış tedbirleri neticesinde noyabrın 1-de qeyd edilen ünvanda qumar oyunlarından elde edilmiş 640 manat, maqnit informasiya yaddaş daşıyıcılarının iş masalarında “AZ novoaz-147” adlı onlayn pul (qumar) oyunları üçün nezerde tutulmuş proqramlar müeyyen olunduğu 1 eded “Toshiba Satellite” markalı “C875” modelli, 4 eded “HP” markalı “655” modelli ve 2 eded “Lenovo” markalı “B590” modelli, cemi 7 eded noutbuk tipli kompyuter, üzerinde qumar oyunlarının oynanılması üçün kodların yazıldığı 23 eded vereqe aşkar edilerek götürülüb.

Faktla elaqedar cinayet işi başlanıb.