Qəbələ rayonunun Vəndam kəndi ərazisində "VAZ 2109" və "VAZ 2106" markalı iki minik avtomobili toqquşub.

ANS PRESS-in verdiyi xəbərə görə, nəticədə hər iki avtomobil deformasiyaya uğrayıb və sürücülər xəsarət alıblar. FHN-nin “112” qaynar telefon xəttinə daxil olmuş məlumat əsasında hadisə yerinə cəlb olunan müvafiq xilasetmə qüvvələri təhlükəsizlik qaydalarına riayət etməklə, xüsusi alət və avadanlıqlar vasitəsilə deformasiyaya uğramış "VAZ 2106" markalı avtomobildə sıxılmış vəziyyətdə qalmış sürücünü çıxararaq aidiyyəti üzrə təhvil veriblər.

Xilasedicilər ərazidə müvafiq təhlükəsizlik tədbirləri görüblər.