Bakı şəhərində istixanadan oğurluq edən qadınlar tutulub.
Bakı Şəhər Baş Polis İdarəsindən ANS PRESS-ə verilən məlumata görə, noyabrın 27-si saat 08:30 radələrində 43 yaşlı Gülşən Orucova və 48 yaşlı Səlmi Şahalıyeva Kürdəxanı qəsəbə sakini Arzu Quliyevə məxsus istixanadan oğurluq ediblər. Qadınlar elə iş başında yaxalanıblar.
Hər iki qadın Sabunçu rayon Polis İdarəsinin 15-ci polis bölməsi əməkdaşları tərəfindən tutulublar.
Aparılan araşdırmalar nəticəsində məlum olub ki, qadınlar həmin istixanadan əvvəllər də oğurluq ediblər.

Faktla bağlı cinayət işi başlanıb, istintaq aparılır. ANSPRESS