Naxçıvanda qanlı hadise baş verib

Naxçıvan Muxtar Respublikasının Şərur rayonunda qətl hadisəsi törədilib. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, İbadulla kəndinin ərazisində Şəhriyar kənd sakini Elmixan Əliyev sərxoş halda münaqişə zəminində bıçaqla kənd sakini, qohumu Elmar Cəfərovu qətlə yetirib.

Şərur rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində E.Əliyev tutulub. Münaqişənin səbəbi araşdırılır.