Bu gün səhər saatlarında Rusiya paytaxtı Moskvanın cənub - şərqində naməlum şəxslər tərəfindən azərbaycanlı güllələnib. Paytaxtın hüquq - mühafizə orqanlarından verilən məlumata görə, cinayət yerli vaxtla 11:00-da Verxniye küçəsi, korpus 1-də yerləşən 42 saylı binanın qarşısında törədilib.

Məlumatda bildirilir ki, naməlum şəxslər həmyerlimizə bir neçə dəfə atəş açaraq aradan çıxıblar. Bəzi məlumatlara görə, cinayəti iki nəfər törədib.

Qətl yerində əməliyyat-istintaq qrupu fəaliyyət göstərir və cinayətin tam təfərrüatını müəyyən etməyə çalışır. Öldürülən kişinin şəxsiyyəti məlumdur, lakin istintaq maraqları səbəbindən onun adı açıqlanmır. ANSPRESS