Masallıda yanğın hadisəsi baş verib. Fövqəladə Hallar Nazirliyi Masallı Rayon Yanğından Mühafizə Hissəsindən APA-nın cənub bürosuna verilən məlumata görə, hadisə martın 27-də saat 02.00 radələrində rayonun Qızılağac kənd sakini, 1974-cü il təvəllüdlü Zeydulla Nurulla oğlu Nurullayevə məxsus fərdi yaşayış evində qeydə alınıb.

Hadisə yerinə səfərbər olunan iki yanğınsöndürən maşın və canlı qüvvənin səyi ilə yanğının genişlənməsinin qarşısı alınıb.

Yanğın zamanı xəsarət alan olmasa da, ümumi sahəsi 40 kv.m olan birmərtəbəli 2 otaqlı evin bir otağı və dəhlizi içindəki məişət əşyaları ilə birlikdə yanaraq yararsız vəziyyətə düşüb.

Faktla bağlı araşdırma aparılır.