"Lamborghini" markalı superkarın iştirakı ilə daha bir ekzotik qəza baş verib. ANS PRESS-in xarici mediaya istinadən verdiyi məlumata görə, bu dəfə qəzaya ağ rəngli Murcielago LP640 düşüb. İnsident Lids (İngiltərə) şəhərində yaşanıb. 31 yaşlı sürücü öncə yolun kənarında duran 3 maşına çırpılıb, sonra isə yaxınlıqdakı hasarın möhkəmliyini yoxlayıb.

Hər adam 6.5 litrlik mühərrikə malik “Lamborghini”ni idarə edə bilmir. Belə maşınlarda qaz pedalını sıxarkən ehtiyatlı olmaq lazımdır. Mühərrik o qədər güclüdür ki, bəzən təcrübəsiz sürücü sükanı saxlaya bilmir.

Qeyd edək ki, qəzaya uğramış “Lamborghini”nin qiyməti 320 000 dollar olub.