Kamaz piyadanın üstünden keçib

Xaçmazda piyadanın vurulması ilə nəticələnən yol-nəqliyyat hadisəsi baş verib.

ANS PRESS-in verdiyi xəbərə görə, “Kamaz” markalı yük maşını Xaçmaz sakini 22 yaşlı Hacıyev Səhman Həbibulla oğlunu vuraraq, yolun kənarına atıb.

Ağır vəziyyətdə Xaçmaz MRX-na gətirilən yaralıya qapalı kəllə-beyin travması, beyin silkələnməsi diaqnozu qoyulub. Travmatologiya şöbəsinə yerləşdirən xəstənin vəziyyətinin ağır-stabil olduğu bildirilir.

Xaçmaz rayon Polis Şöbəsinin növbətçi hissəsindən faktla bağlı ətraflı məlumat verilməyib. Yalnız bildirilib ki, hazırda faktla bağlı araşdırma aparılır.