Bu gün günorta saatlarında Bakının Xətai rayonu ərazisində Baş Dövlət Yol Polisi İdarəsinin iki avtomobili toqquşub. Şahidlərin ANS PRESS-ə verdiyi məlumata görə, hadisə Bakı Dəniz Vağzalından Fəhlə prospektinə gedən yolda - «Liman» restoranı yaxınlığında baş verib. 10-YP-425 dövlət-nömrə nişanlı avtomobil 10-YP-426 dövlət nömrə-nişanlı avtomobilə çırpılıb. Xəsarət alan olmayıb.

ANS-in çəkiliş qrupu hadisə yerində olarkən artıq hər iki avtomobilin ərazidən evakuasiya edildiyini görüb.

Ərazidəki tikintilərdə çalışan fəhlələr faktı təsdiqləyib. Onların sözlərinə görə, DYP-nin hər iki avtomobili hadisə baş verəndən sonra təqribən 10-15 dəqiqə ərzində ərazidən evakuasiya olunub.

Hadisə Xətai rayon Polis İdarəsinin növbətçi hissəsindən faktı təsdiqləsələr də, əlavə məlumat verməkdən imtina edilib.

Esmira Cavadova /ANS PRESS/