Gəncədə hərəkətdə olan UAZ markalı avtomobil ulaqla birgə yanıb. Sürücü yüngül yanıq xəsarətləri alıb.

ANS PRESS Kəpəz TV-yə istinadən xəbər verir ki, hadisə yerinə gələn yanğınsöndürənlər alovun ətraf ərazilərə yayılmasının qarşısını alsa da, avtomobilin tam sıradan çıxmasına mane ola bilməyiblər. Bundan başqa avtomobilin yük yerində olan ulaq tüstüdən boğularaq tələf olub. Qeyd edək ki UAZ markalı avtomobil həm benzin həm də maye qazla işləyirmiş.

Sürücü Musa Ömrümovun sözlərinə görə, hadisədən öncə o avtomobili benzin yanacağı idarə edib: "Qazlada işləyir benzinlədə, ancaq hadisəsədən əvvəl benzinlə gəlirdim. Buradan benzin töküb 10 metr gəlməmiş hadisə baş verdi”.