“Elit” ticarət mərkəzində yanğın olub. Hadisə yerində olan şahidlərin ANS PRESS-ə verdikləri məlumata görə, yanğın təxminən 13:40-da ticarət mərkəzinin 5-ci mərtəbəsində baş verib.
Alovun qarşısının almaq üçün hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin əməkdaşları cəlb ediliblər. Ölən və xəsarət alanın olmadığı bildirilir.
APA-nın məlumatına görə, yanğının söndürülməsi üçün əraziyə 5 yanğınsöndürən maşın göndərilib. Hazırda yanğının qarşısının alınması istiqamətində tədbirlər davam etdirilir.