Cəlilabad rayonunda ölümlə nəticələnən bədbəxt hadisə baş verib. Rayon Prokurorluğundan lent.az-a verilən məlumata görə, Uzuntəpə kəndində kənd sakini Rəna Qurbanova kiçik tutumlu qaz balonu ilə ehtiyatsız davranması səbəbindən ağır yanıq xəsarətləri alıb. Qadın ağır vəziyyətdə Bakıdakı 5 saylı şəhər xəstəxanasına gətirilib. Həkimlərin səyinə baxmayaraq R.Qurbanovanın həyatını xilas etmək mümkün olmayıb.

Faktla əlaqədar cinayət işi başlanılıb, araşdırmalar aparılır.