Bu gecə Bakıda ölümlə nəticələnən yol nəqliyyat hadisəsi baş verib. Qəza Nəsimi rayonu ərazisində, Bakıxanov küçəsi və Azadlıq prospektinin kəsişməsində baş verib. ANS PRESS-in hadisə yerində olan müxbirinin verdiyi məlumata görə, Azadlıq prospekti ilə üzüaşağı hərəkət edən “Mercedes” markalı minik maşını işıqforun qırmızı işığının tələbinə riayət etməyərək Bakıxanov küçəsi ilə hərəkət edən “Lada 2108” ilə toqquşub. Daha sonra idarəetməni itirən “Mercedes”in sürücüsü avtomobili öz yolu ilə hərəkət edən “Volkswagen Passat”a çırpıb. Qəza nəticəsində yoldan keçən 43 yaşlı Kərimova Gözəl Davud qızı yerində ölüb, sürücülər isə müxtəlif dərəcəli bədən xəsarətləri alıb.

Faktla bağlı istintaq başlayıb, araşdırmalar davam edir. Ölüm hadisəsinə hansı sürücünün səbəb olduğu təyin olunan avtotexniki ekspertizanın rəyindən sonra bilinəcək.