Bakı şəhərində piyadaların vurulması ilə nəticələnən yol-nəqliyyat hadisələri baş verib. Daxili İşlər Nazirliyinin mətbuat xidmətinin məlumatına görə, sentyabrın 25-də saat 23.50 radələrində Binəqədi rayonu ərazisində Ağsu rayon sakini Araz Mustafayev idarə etdiyi “VAZ-2107” markalı avtomobillə paytaxt sakini Nadir Mustafayevi vurub. Nəticədə N.Mustafayev hadisə yerində ölüb.

Sabunçu qəsəbəsi ərazisində də piyadanın vurulması ölümlə nəticələnib. Goranboy rayon sakini Taleh Əmrahov idarə etdiyi “Mercedes” markalı avtomobillə Sumqayıt şəhər sakini Vahid Babayevi vurub. Xəsarətlə xəstəxanaya yerləşdirilən V.Babayev orada ölüb.

Hər iki faktla bağlı araşdırmalar aparılır.