Bakıda 31 yaşlı kişi şadlıq evində öldü

Bakıda şadlıq evlərinin birində toyda qonaqlarıdan biri, 31 yaşlı kişi qəflətən ölüb. Hadisə Xətai rayonunda baş verib. Rayon Polis İdarəsindən ANS PRESS-ə verilən məlumata görə, 1982-ci il təvəllüdlü Mais Nəcəf oğlu Heydərovun vəziyyəti qəflətən pisləşib.

Ona ilkin təcili tibbi yardım göstərilib və onu xəstəxanaya aparıblar. Lakin həkimlərin səyinə baxmayaraq M.Heydərovun həyatını xilas etmək mümkün olmayıb.

Faktla bağlı araşdırmalar aparılır.